SETAR di bishita na Maria College Mavo: “Island of the Future- Agriculture” Hack-A-Thon

SETAR su team ta bishitando e diferente scolnan participando pa mira con nan projecto “Island of the Future-Agriculture” Hack-A-Thon ta canando.

E team di Maria College Mavo ta consisti di studiantenan di tercer aña cu tin vak di Scheikunde y Natuurkunde di scol bou liderazgo di Dayenne Valdink y otro 3 docente cu ta yudando e grupo. Maria College a dicidi di traha nan projecto na e cunucu na Paradera pa e trabounan cu ta off Grid y e construcción di e sistemanan vertical nan ta traha na Maria College mes. E projecto cu nan a scohe ta cultivo di Cilantro y Matanan di Pica (sweet peppers). E grupo a diseña 2 modelo pa traha cu ne.

Tur nan pasonan cu nan ta hasiendo actual ta wordo documenta dor di e alumnonan nan mes, pa por presenta esaki na final den un presentación y cu un website. SETAR ta contento pa wak dedicación y enthusiasmo riba projecto cu nan hasiendo pa nan scol y cu tur nan preparación ta bayendo hopi bon. Na final di e projecto e grupo a dicidi cu e projecto lo keda na e cunucu na Paradera pa hendenan cu ta biba di e tera.

SETAR ta sigui bishita e scolnan pa mira nan projectonan.
E scolnan cu a registra pa participa na e projecto aki ta: Gen. Maj. Abraham de Veer School, Colegio San Augustin, Mon Plaisir College, EPB San Nicolas, Colegio Arubano Oranjestad y Maria College.

Riba e potretnan por mira e grupo di studiante di Maria College Mavo cu un “preview” di nan projecto.

Comments

comments