Manera ta custumber den temporada di Pasco, SETAR conhuntamente cu e canalnan di musica di Stingray ta cambia 2 canal pa pasa solamente musica di temporada di fiesta di fin di aña.
E cambio aki ta bay tuma lugar dia 29 di november 2016 y ta vigente te cu dia 10 di januari 2017. E canalnan cu lo cambia ta lo siguiente:
451 OPERA Plus ta cambia pa Holiday Hits
453 JAZZ Master ta cambia pa Felices Fiestas
Stingray ta e canalnan di musica (audio so) riba canalnan 450 pa 499 di Cable Digital. Nan ta 50 canal cu ta concentra riba diferente genero, manera Jazz, Rap, Pop na Ingles, Pop na Spaño y mucho mas.
SETAR ta invita un y tur pa disfruta di e canticanan durante e dushi temporada aki. Pa mas informacion por tuma contacto cu SETAR na 525-1700.