Servicionan di AZV ta sigui digitalmente

Siguiendo e recomendacionnan di Departamento di Salubridad Publico y actual situacion cu coronavirus (COVID-19), Organo Ehecutivo AZV ta informa tur su aseguradonan cu servicio di AZV ta sigui pero den forma digital.
Inscripcion y prolongacion
Pa inscripcion y prolongacion ta pidi e cliente pa email na: klantenservice@uoazv.aw Na e email adres klantenservice@uoazv.aw cada cliente por manda su peticion incluyendo e documentonan necesario manera un identificacion valido. Pa inscripcion bo ta download e formulario di inscripcion for di nos website www.azv.aw Tambe ta haya informacion tocante cua dokternan tin luga awor aki.
Cuido Medico den Exterior
Pa informacion tocante peticionnan pendiente pa cuido medico den exterior of cuido medico den exterior por email na mu@uoazv.aw
Otro informacion
Pa cualkier otro informacion of pregunta por yama 5279900 of por comunica cu AZV na e email info@uoazv.aw
Gradicimento
AZV ta gradici tur e dokternan di cas, tur e specialistanan, tur asistente di dokter, tur enfermero, tur praktijkondersteuners, tur para-medico y tur persona trahando den e sector di salud y cuido medico pa nan esfuerzonan extra den e situacion dificil aki. Laga nos cada un keda cas y hunto combati e coronavirus.

Comments

comments