BERLIN, Alemania – E servicio Secreto Aleman, BND, a reserva 150 miyon Euro pa hackernan kraak e sistema di Whatsapp. E servicio di e manera aki por lesa e mensahenan cu ultimamente e doño di Whatsapp, Facebook a laga encripta.
Bundesnachricthendienst ta traha, segun e corant semanal Aleman, Die Zeit, cu proyectonan secreto manera ANISKI, caminda cu por intercepta, decifra y analisa mensahenan riba internet. Un di e metanan di e app aki ta pa hack mensahenan. Segun e corant, no solamente e hackernan a wordo poni den marcha, pero BND kier ofrece agentenan undercover na companianan cu e forma di comunicacion aki.
Aña pasa BND a traha caba riba e proyecto aki, pero cu un presupuesto limita. Den e proximo añanan, un cantidad basta substancial di placa a wordo poni un banda.
Whatsapp ta e meta mas importante, mirando cuanto biyones di hende ta haci uzo di dje.
Fuente: NRC