Departamento di Asuntonan Social a tuma nota di un relato den medionan di comunicacion, tocante servicio di bijstand na San Nicolas, pa cual nan kier a duna nan banda di medaya. Sra. Jesseline Soto Garcia- Kelly, vocero di DAS ta splica e motibonan.
E servicio di bijstand di San Nicolas no a wordo para completamente. E plannan di bijstand di San Nicolas a keda limita y esaki tin su motibonan. No a haci esaki pa malo, pero nan ta consciente cu nan tin cu duna full e servicio na full e pueblo y nan ta haciendo nan esfuerso pa por yega den tur bario. Nan mester a haci esaki limita door di un falta di personal.
Sra. Soto Garcia- Kelly a sigui bisa cu nan ta trahando pa trece un solucion y cu pa otro aña nan ta completo bek na San Nicolas. Clientenan cu tin un cita si por acudi normal na San Nicolas, pero pa entrega peticion y tur otro tramitenan pa bijstand, e cliente mester bin Playa.
Por ultimo, Sra. Soto Garcia- Kelly a bisa cu cualkier persona, sea parlamentario of cualkier ciudadano tin algun duda, nan por tuma contacto cu Departamento di Asuntonan Social libremente. El a finaliza bisando cu otro aña nan lo duna full servicio bek na San Nicolas.