Diasabra den oranan di marduga pa manece mainta autoridad a haya varios yamada cu tin un candela basta grandi patras di Ecotech na Barcadera, na yegada di brandweer y polis a tuma nota di berdad e candela grandi. Ora a yega mas cerca a constata cu ta tirenan ta na candela. Pero si bay paga esaki lo bay saca humanan pa oranan largo, debi cu ta un monton di tire bieu a keda pega na candela.
Instancianan manera departamento di calamidad tambe a presente pa pone nan mes na altura pa un coordinacion hunto cu Polis y brandweer mira un mihor solucion. E tres instancianan aki a manda un mensahe pa e habitantenan rond den e bario pa ta cauteloso cu e huma na esnan cu tin problema cu salud keda paden.
Airport no a keda afecta debi n’e huma di e biento su direccion tabata un direccion cu ta bay zuid pa lama di biaha.
Bomberonan a keda monitor e situacion aki pa basta ora.