Sr. Lionel Croes, vocero di Serlimar a splica con nan ta preparando pa Semana Santa, relaciona cu campamento.
E aña aki Serlimar ta trahando den cooperacion estrecho cu polisnan di Bario y nan ta haya e lista di tur esunnan cu ta bay campa. E polisnan di bario ta acerca nan y motiva nan pa tuma contacto cu Serlimar.
Di nan banda, nan tin un contacto hopi estrecho cu e campistanan, paso nan ta hendenan regular cu ta campa caba. Y den e ultimo añanan, nan ta bouw op un relacion cu e campistanan durante Semana Santa.
Pa tur esunnan cu ta bay campa, nan por tuma contacto cu Serlimar, unda cu nan ta ofrece e bakinan di sushi grandi, cu lo wordo entrega na e campistanan. Loke nan mester haci ta bin cu ID, y e vergunning y e campista por bay cu e baki, y si no por, Serlimar mes lo bay entrega esakinan. E prijsnan ta prijsnan special, prijsnan preferencial specialmente pa Semana Santa pa e campistanan.
Ta bon pa e campista registra pa asina cu Serlimar por coordina cu e campista e dianan cu e truck di Serlimar lo pasa recoge e sushi.
Na tur e campistanan, si nan ta wak cu hende ta tira sushi, ta pidinan pa encarecidamente, nan tuma contacto cu Serlimar of cu City Inspector y nan lo bin recoge e sushinan aki. Esaki tambe ta un servicio cu Serlimar ta duna, specialmente pa e temporada di Semana Santa.