E campaña aki a cuminsa 31 di Juli 2019 y lo sigui te ora cu termina di reemplasa tur container di nos clientenan. Meta principal di e campaña aki ta pa Serlimar reemplasa containernan existente pa containernan nobo den tur districto.
E bario cu Serlimar a bishita e siman aki ta, Jaburibari. Nos a logra cambia containernan cuminsando di Parke Curason bai te cu entrada di Calabas. Nos kier a yama danki na e habitantenan di Jaburibari cu a ricibi nos. Otro siman nos lo ta den bario di Savaneta.
Tur siman nos lo anuncia cual bario nos lo invadi ariba nos medionan social.
Ademas di esaki nos ta brinda nos clientenan e oportunidad pa gana diferente premio;
– Saca un potret creativo cu bo container nobo “yellow top” y upload esaki riba nos pagina di Facebook y scirbi texto #TurTurCuSerlimar. Pone bo nomber y adres pa por gana Awg 500,- cash. Tene na cuenta cu esaki ta solamente pa esnan cu a ricibi nan container nobo. E campaña aki ta sigui te cu 31 di December.
– Tambe nos lo tin nos Pop-Up cu Serlimar. Inesperadamente na cualkier momento mey mey di e clientenan cu ta presente na un di nos sucursalnan lo saca un ganador y asina e ganador lo haña e resto di aña 2019 gratis ariba su tarifa residencial.
Specialmente pa nos pensionadonan di AOV, nan ta paga solamente awg 10.- florin.
Y sin laga afo, ora paga un aña ful lo bo haña un luna gratis!