Serlimar SG cu horario adapta pa diabierna 19 di october

Diabierna coleganan di Serlimar Sui Generis lo ta hibando nan colega Ricardo Geerman, pa su ultimo luga di sosiego.

Pa motibo di esaki lo ta bay tin algun cambio pa loke ta recogemento di sushi den area di Noord. Serlimar lo cuminsa recoge desperdicio residencial pa 1 or di marduga di diabierna.
Ta pidi cooperacion di habitantenan pa por fabor saca nan mini container mas trempan, pa asina sigura cu nan ta haya un servicio optimal di Serlimar Sui Generis.

Oficinanan di Serlimar SG lo ta cera pa publico ariba diabierna 19 di october 2018, for di 7 or di mainta pa 1 or di merdia, relaciona cu e entiero di nan colega.

Parkietenbos lo ta habri normal pa publico.

Comments

comments