Serlimar a manda busca barinan di sushi nobo, cual lo yega dentro di poco. Asina Sra. Twyma Van Der Biezen a splica na nos redaccion.
Ya caba Serlimar tin un lista di clientenan registra cu tin mester di bari nobo. Lo cumisna cu e clientenan nobo y pa reemplaza e barinan rondo cu ta un molester pa e trahadonan. Lo cambia e barinan poco poco, ya cu e prome batch no ta yega pa tur e clientenan. Pero si e por yuda reduci e barinan kibra. E barinan aki ta diferente, ya cu esunnan cu tin actualmente no por wanta e solo y temperatura di Aruba cu ta pone cu e bari ta garna. Y e desperdicio ta keda garna. Y ora di pone desperdicio pisa, e fondo di e bari ta kibra.
Serlimar lo saca material informativo cu tur cliente lo ricibi na cas di kico mag y kico no mag di bay den bari. Y di loke no mag di bay den bari, Serlimar lo ifnorma di kico nan por brinda y kico nan por haci. Of por bay Parkietenbos cu ta habri tur dia. Y ta pornada cu por hiba nan sushinan eynan.Pa cualkier transporte extra, manera hopi grofvuil of material di cas, ta cobra pa meter cubico. Pero si ta trata di cantidad chikito, e ora no ta pone prijs halto.
Pero pa cualkier informacion, por yama Serlimar cu lo suministra tur informacion necesario, segun Sra. Twyma van der Biezen, Sales & Marketing Manager di Serlimar.