Twyma van der Biezen, Sales & Marketing Manager di Serlimar, ta splica cu representantenan di Serlimar lo t’ey pa duna informacion na comunidad. Lo duna informacion tocante nan producto y servicionan. Tambe lo duna informacion tocante servicionan adicional cu Serlimar ta haci manera mantencion di bario. Serlimar lo t’ey tambe pa scucha cualkier pregunta of preocupacion cu comunidad ta desea di expresa. Ademas, lo tin encuestanan cu nan por yena p’asina Serlimar por haya sa un tiki mas di locual e habitantenan di Savaneta ta desea pa loke ta trata e maneho di desperdicio.
Sra. van der Biezen ta agrega cu tambe nan lo duna informacion na comunidad tocante e tarifa social cu ainda tin hopi pregunta tocante e tema controversial aki. E mas comun, segun sra. van der Biezen, ta kico lo pasa e personanan cu si a paga caba.