E gobierno aki ta pensa den futuro y e minister di Infrastructura y medio ambiente, con pa trata e problema di sushi na Aruba. E aspect di Serlimar, su oficinanan, loke por bay eynan, pero ainda no a trucknan di sushi y e warehouse di baki. Eseynan ta keda un rato mas na Kockstraat te ora cu por yega na un edificio nobo na Barcadera, cual ta e meta final. Sr. Otmar Oduber, e mandatario encarga cu Medio Ambiente ta amplia mas ariba esaki.
E parti di oficina ta bin mas central, mas accesibel. Enbes cu 4 trahado ta sinta den un hoki di 10m2 cu nan por traha den un forma mas humano. Hunto cu e servicio aki, ta bin cu’n identidad di reciclahe y reuzo di materialnan. Dus nada di dump, nada di truck di sushi, nada di cu ta bin bestianan. Den pasado, e filosofia cu tabata biba tras
Den cualke hotel awendia, na cualke pais civilisa, sea Hulanda of Merca, te hasta na Latino America, den caya ta haya e potchinan di bari grandi, di diferente colornan, separa pa carton, plastic, etc. Esey kiermen reciclahe. Esey no kiermen cu ta bin cu e sushi tir’e na Pos Chikito unda lo separa e sushi eynan.
Lo bin cu algo innovativo, nobo pa pais Aruba, unda cu e luga aki pa 14 aña largo a wordo gehuur pa tur gobierno, cu diferente ministernan. E mentalidad di troce e realidad, como sifuera cu ta un dumpster lo wordo crea eynan. Esaki no ta cuadra, ya cu loke ta bay wordo crea eynan, ta un facilidad moderno, bunita, unda cu hasta ta habri anochi te cierto hora. Lo por trece e colchon, stoel, coi hunga, paña cu no ta wordo uza mas, cu otro hende lo por reuza, ta trece eynan. Of na e parti di reciclahe, p.e. cahanan di cerbes, ta bin cun’e tir’e den e parti di glas, mescos cu ta pasa tur otro parti di mundo.
Pos Chikito lo bira un centro di reciclahe y di reuse. Mescos den ciudadnan grandi, udna por tira carton of glas, asina e lo bira. E lo bay den un forma limpi y ordena. Organisacionnan cu ta traha cu plastic, lo bendenan of dunanan e plastic pa traha nan materialnan cun’e. Mescos ta bay pa organisacionnan cu ta traha cu glas, e mesun forma di proceder.
E propio personal di Serlimar lo ta encarga cu esaki, pa cual no ta bay tin mester di contrata personal nobo. Tur cos lo cana via regla. Ultimo añanan hendenan a lubida di sigui reglanan. Pero lo mester bay reduca nos comunidad pa haci uzo di reciclahe. Cada cas lo bay haya un bari chikito, unda cu lo por separa e sushi. Ta cuestion di un mentalidad nobo, caminda cu nos tur mester bay carga esaki tambe. Esaki ta contrario unda cu lo tabata kier a cobra pa recoge sushi, sin cu tabata tin un prospecto di un manera moderno y positivo cu ta atende cu e sushi, awo ta bay ta diferente. Awo tur hende lo mester carga e responsabilidad aki. Y percura pa no sigui maneha e desperdicio, di djis yega tira ariba un hooiberg, un cero na Parkietenbos y laga e problema pa esunnan cu mester deal cun’e. Te asina leu, Sr. Otmar Oduber, encuanto e mudansa di Serlimar pa ex edificio di DTI na Pos Chikito.