Tur aña, e ultimo weekend di carnaval Serlimar ta pone barinan ariba e ruta, pa asina e publico por deposita nan sushinan y contribui na tene nos dushi isla limpi.
Pa Carnaval 65, Serlimar tabata tin hopi preparacion cu e meta principal cu;n carnaval dushi ta un carnaval sin sushi, cu focus ariba e parti di accesibilidad di containernan pa deshaci di desperdicio. E meta di Serlimar ta pa evita cu e hendenan cu ta wak of ta disfruta den e parada ta tira nan sushi ariba vloer.
Loke Serlimar ta preparando pa e ultimo weekend di carnaval ta cu nan tin un total di 185 bari rondo cu lo wordo poni ariba ruta di tanto San Nicolas y Playa. Tambe nan lo ta partiendo saco for di 9 or di mainta, canando full e ruta, pa duna esunnan cu mester di esaki pa evita cu cosnan ta wordo tira abao. Esaki ta hunto cu Bureau City Inspector, Serlimar lo ta haciendo e ruta limpi.
Pa e kavelnan, pa esunnan cu ta interesa ainda, Serlimar tin ainda e eco containernan cu tin saconan special, unda ta contribui cu e parti di reciclahe, parti entre plastic, glas, y tambe metal durante e parada, contribuyendo asina na un miho cuido di nos miho ambiente. Esaki ta bay hunto cu plastic beach party, y por pasa na helpdesk of manda un mensahe pa regel esaki ainda. Te asina leu, Sra. Twyma van der Biezen, vocero di Serlimar.