Mirando cu hopi sushi ta ser tira den e luga di Bushiribana, Serlimar lo ya duna un man pa yuda cu bari di sushi pa mantene limpi. Sr. Erwin Werleman ta amplia ariba esaki.
Tanto City Inspector, como Sr. Edwin Boekhoudt ta haci un peticion na Serlimar pa coopera cu dos container chikito, pa por mantene e luga limpi. Serlimar lo haci tur lo posibel pa yega na un solucion, caminda cu Sr. Werleman lo papia cu gerencia pa cu esaki. Ta pidi 2 container y Sr. Boekhoudt mes lo zorg pa mantene Serlimar limpi y pa service e bakinan aunke sea 1 bes pa siman. Segun Sr. Werleman, Serlimar no ta wak un problema pa esaki, basta cu cumpli cu e palabracionnan.
Tambe Serlimar lo zorg di pone bari na varios caminda, y Bushiribana lo haya un bari mescos cu tin na Linear Park y ta pidi cooperacion tambe pa haci bon uzo di e barinan. ‘
Manera ya ta conoci, Bushiribana ta un area turistico y ta haya masha hopi bishitante diario, por lo tanto p’awo lo pone cuater bari disponibel, cu segun Sr. Werleman ta suficiente pa e area. Mirando cu Bushiribana ta un sitio turistico, y Serlimar ta cobra pa su servicionan, Sr. Werleman lo papia cu Gerencia di Serlimar tocante esaki, pa wak si lo por yega na un solucion y laga e barinan como donacion, pa mantene e sitio turistico aki uno limpi.
Pero como cu Sr. Boekhoudt ta ofreciendo su servicio di mantene e luga limpi, Sr. Werleman no ta mira un problema cu Serlimar tambe por duna su cooperacion den mantencion di e area aki.