En conexion cu e dos dianan festivo oficial, Diabierna Santo y Dialuna Segundo Pasco Grandi, gerencia di Serlimar ta avisa e publico en general, di e siguiente adaptacionnan:
Rutanan residencial
E siguiente siman, lo recoge tur ruta un dia despues relaciona cu Dialuna Segundo Pasco Grandi, esta:
– Rutanan fiho di dialuna lo ser recogi riba diamars 3 di april
– Rutanan di diamars lo ser recogi riba diaranson 4 di april
– Rutanan di diaranson lo ser recogi riba diahuebs 5 di april
– Rutanan di diahuebs lo ser recogi riba diabierna 3 di april
Lo termina e siman riba diasabra 7 di april cu rutanan di diabierna.
Parkietenbos Weegbrug, Containerpark y Landfill lo aplica e siguiente horario:
• Diabierna Santo, 30 maart: cera
• Diadomingo, 1 april (Pasco Grandi): cera
• Dialuna, 2 april (Segundo Pasco Grandi): 8.00 am – 12.00 pm; 4 ora
Servicio di recoge bestia morto
E servicio aki lo no ta disponibel riba Diabierna Santo, 30 maart. Por yama pa peticion atrobe riba diasabra entre 7’or te cu 10’or di mainta.
Horario oficina
Por ultimo nos oficina lo ta cera di diabierna 30 maart y lo asumi servicio riba diamars 3 di april.
Pa mas informacion, comunica libremente na 5245080 of bishita nos Facebook page. Felis Pasco grandi na comunidad di Aruba.