Actualmente ta tumando luga na Serlimar un investigacion di composicion di desperdicio. Esaki a cuminsa for di dialuna y lo sigui te cu diasabra. Sra. Twyma van der Biezen, Sales & Marketing di Serlimar cu e relato.
Ta importante locual cu nan ta hacienda, door di ricibi coleccion di desperdicio commercial y residencial. Esaki ta wordo sortea y tur e desperdicio sortea ta wordo hinca den diferente bakinan specifico, unda cu e lo wordo pisa. Tur desperdicio cu ta wordo pisa lo wordo stiwa y e despeus e lo wordo exporta pa asina wordo getest den laboratorio.
Meta di e testnan ta hopi importante, vooral pa e futuro di maneho di desperdicio aki na Aruba. Locual cu ta pasando aworaki, Serlimar ta trahando conhuntamente cu compania Mott McDonald di Inglatera cu ta na Aruba presente, guiando e investigacion, conhuntamente cu nos Marine Biologies, Stacey Brete, cu tameb tin experiencia den e tipo di investigacionnan di desperdicio y locual cu Serlimar ta haci ta, haya sa e calorate value di e componentenan di desperdicio paso esaki ta determina ki tipo di gas ta bay haya ora di produci, den e proceso di waste to energy.
E componentenan ta conoci door di e diferente investigacionnan cu a wordo haci na comienso di aña, Serlimar ta trahando riba nan database y nan ta trahando ariba dje, pa cual ta bira mas y mas grandi.
Pero pronto lo haya sa ki balor e desperdicio tin y con lo hinca esakinan ora cu haya e incinerator, pa sa ki tipo mester, pa tin un maneho di desperdicio mas eficiente y por anda cun’e mas responsablemente.
E siguiente paso despues di e investigacion ta cu e lo wordo manda Inglatera pa wordo getest, y despues e resultado lo wordo manda pa Aruba. E ora Serlimar por presenta su caso, pa bay wak ki tipo di incinerator lo bay tin mester.
Esaki ta yuda Serlimar door di determina e composicion di desperdicio, por bin cu’n structura di coleccion di desperdicio. Esaki ta conta tanto pa commercial y residencial. Esaki por pensa ariba materialnan reciclabel, materialnan peligroso y toxico, como tameb restafval. E ta duna un indicacion di den ki rumbo e por bay, e ta duna un guia mas miho, con pa colecta e desperdicio separa, prome cu e yega Landfill. Te asina leu, Sra. Twyma van der Biezen, Sales & Marketing di Serlimar.
Si yega den un futuro, unda lo uza incinerator