PR di Serlimar sr. Jermaro Emerencia ta comparti cu comunidad di Aruba tocante e campaña di fin di aña manera ta conoci. E aña aki a dicidi di rifa articulo di UpCycle Center Serlimar.
E campaña lo tin duracion pa 6 siman largo. Diabierna awo e prome ganador lo ser escohi pa gana un mesa di domino. Pa e di tres siman di December lo saca e ultimo ganador di articulo di UpCycle Center Serlimar.
Un otro punto cu el a menciona ta e pedido cu a haya pa kerstboom traha pa asina pueblo por haya algo netjes. Ta planeando cu team pa keda cla y bin cu bon prijs. Sr. Emerencia ta pidi pa tur hende paga nan factura 2020 na surcusal San Nicolas, Pos Chikito y MFA Noord. Ta recorda cu tin posibilidad pa haci un areglo di pago.
Pa as informacion tocante e campaña y premio por subi riba Facebook page di Serlimar Aruba.