Diabierna proximo Serlimar lo tin nan accion di limpiesa den bario di Santa Cruz te cu 1 or y 30 di merdia. Lo bay tin 3 container grandi di 30 yrd dilanti di Sporthall Betico Croes pa tur esunnan cu tambe kier trece nan desperdicio.
Esun cu no ta na cas por pone nan desperdicio p’afo, y a informa Serlimar via nan Facebook Messenger pa ki adres esaki ta pa nan por pasa busk’e.
Esaki ta e accion di limpiesa cu ta cay bou di Proyecto di Milieustraat 2018 y tambe nan ta haciendo esaki en conexion cu e celebracion di World Cleanup Day cu ta un actividad mundial cu lo tuma luga diasabra awo dia 15 di September.
Serlimar lo ta haciendo su accion di limpiesa ariba diabierna 14 di September.