Entrante 1 di maart 2019, Serlimar a cuminsa cobra e tarifa residencial pa cu recogemento di sushi. Sra. Twyma van der Biezen, Relacionista Publico di Serlimar ta amplia.
E aña aki lo cobra dies luna, y e cobransa lo sali na juni. Pero pa evita retraso di pago, ta cumisna awo na luna di maart. Pa haci pago por pasa na oficina na San Nicolas, Kockstraat 4, Tanki Flip 14-A, of Pos Chikito 47, na ex edificio di DTI.
Pagonan cu ta wordo haci mensualmente, pero por paga pa kwartaal, mita aña of aña completo. Pagonan online tameb ta posibel, Serlimar tin cuentanan na Aruba Bank, CMB, y tambe Banco di Caribe. Esun cu kier haci’e via banco, por manda un mensahe directo pa asina Serlimar por duna informacion concreto di e cuenta di banco y tur informacion cu mester agrega pa asina e sistema por wordo updated.
Pa pagonan personal, por pasa na e oficina di Serlimar, y bin cu’n documentonan necesario y e ora Serlimar lo update nan sistema pa tur e casonan cu ta bin dilanti. Tur hende por pasa cu nan ID na Serlimar, y si nan a bin pa wak pa si nan ta bin na remarca pa incentivo por bin cu’n comprobante di pago di añanan anterior. Y si tin cualkier cambio, esaki lo wordo haci di biaha.
Usuarionan cu tin un container kibra, nan tin un lista cu nan ta actualisando diariamente y esunnan cu mester un bari nobo pa reemplasa esun kibra, por registra na e helpdesk, por pasa personal of yama na 585-4080. Tambe ta posibel via rednan social, door di duna nomber y adres corecto, number di telefon y tambe barinan kibra.
Actualmente ta reemplasa 1 container pa cada cas door di stock limita. Loke si por bisa ta cu clientenan nobo tin prioridad y ta bay cu tur esunnan registra desde aña pasa cu tambe nan tin, pa asina gradualmente pasa y cumpli cu tur e listanan di tur esunnan cu a registra. Ta pasa ariba diamars, diaranson y diahuebs, pa asina entrega e containernan aki, ta tuma contacto cu e persona registra unda cu Serlimar lo tuma contacto cu e persona cu a registra pa asina acorda pa ora di entrega por tin un hende na cas, segun Sra. Twyma van der Biezen, Relacionista Publico di Serlimar.