E accion aki a tuma luga na Caya Lucia di e bario Village na Departamento di Serlimar di San Nicolas unda cu a wordo colecta firmanan pa haya autorisacion di dos famia cu tabata e doñonan. Nan a bay di acuerdo pa basha bou e 2 propiedadnan aki asedia pa adictonan. Robin- Ann Didder di Serlimar cu e desaroyo.
E problematica ta radica unda cu e casnan a bira casnan di chollernan cu tin nan problemanan social. Un di e casnan cu a wordo basha abao, ya caba di a wordo pega na candela. Esaki ta representa un peliger pa e bisindario tambe.
Tambe ta pensa riba e muchanan chikito pa no bay crece den bario Village y wak un situacion asina y pensa cu esaki so tin pa futuro. Asina ta haci e luga limpi cu mas espacio pa por hunga y sigur por forma un mucha mas contento humilde y orguyoso di nan bario.
E mensahe ta bay na comunidad si por tin cualkier infrastructura den situacion similar aki cu no ta yuda cu medio ambiente, por tuma contact cu Infraaruba y semper por asisti via Serlimar, City inspertor y DOW anto conhuntamente ta keda wanta man duro y ta haci nan best no solamente na Village sino den e otro barionan. Lo sigui den e luna di Augustus, September y October, anto por bay riba Facebook di Serlimar haci un peticion, y lo por pasa den bo bario, segun Sra. Robin- Ann Didder, di Managemente Team di Serlimar.