Durante un conferencia di prensa yama pa Serlimar Sr. Lionel Croes, PR y Marketing a splica di nan plannan pa cu carnaval 2017 hunto cu SMAC pa asina duna un man pa sigui celebra esaki.
Serlimar ta contribui cu Carnaval ariba e parti di limpiesa, cual ta nan deber. Pero e aña aki Serlimar lo ta contribuyendo cu Carnaval, ariba e parti financiero na e asociacion SMAC. Carnaval ta un actividad cultural cu tin pa añanan largo ta wordo celebra na San Nicolas, unda cu Aruba henter ta celebra e Jouvert Morning. Den cuadro di esaki Serlimar kier a mustra su aporte y importancia pa sigui contribui cu e actividad di Jouvert Morning.
Jouvert Morning ta un actividad cu ta wordo celebra pa grandi y chikito, e ta un alegria den e pueblo di Aruba, particularmente e bario di San Nicolas, y ta p’esey Serlimar ta duna su contribucion financiero na SMAC.
No obstante, segun Sr. Croes, Serlimar ta den un campaña cu ta hiba nomber Caya Caya, y aki, PR di Serlimar, Sr. Croes ta reitera cu e actividadnan cu Serlimar ta bay tin den Carnaval, y pa esaki por subi e Facebook page di Serlimar, pa download e jingle di Caya Caya y upload e video di canto y baile cu a wordo graba via telefon mes, y pa di e forma aki trece conscientisacion y celebracion di e pueblo di Aruba.
E premio pa e jingle aki di Caya Caya,Serlimar a pone un premio disponibel di 2500 florin. Esun cu upload, like y share, dus cu haya mas like, logicamente den nan forma artistico y lo bay ta husgando tambe e ganadonan di e campaña Caya Caya. Den Carnaval ultimo , por a tuma nota cu Aruba ta birando mas consciente di e caya, pa cual Serlimar ta felicita e pueblo. E barinan a wordo bon uza e aña aki.
Desperdicionan a wordo tira den un forma responsabel den e barinan, y tambe den e saconan di sushi di plastic. Tambe despues di e jump up na Santa Cruz, e caya a keda limpi toch tambe.
Sr. Lionel Croes, PR & Marketing di Serlimar, na nomber di Serlimar, kier a yama danki na e pueblo Carnavalesco cu a mustra nan compromiso pa cu e medio ambiente.