NOUEMEA, New Caledonia- Servicio Geologico di Merca (USGS) a registra un temblor di magnitud 6,3 y un otro di magnitud 6.4 cerca di e costanan di New Caledonia. Poco despues a sinti un replica di magnitud 5,8 sigui di varios otro.
E epicentro di e temblornan aki a keda localisa den Oceano Pacifio, na un profundidad di 10 km y entre 156 y 170 km di distancia den e localidad di Tadine, cu ta conta cu mas o menos 7500 habitante y situa riba e isla Maré, cu ta forma e Loyalty Islands.
Un di e zonanan cu mas actividad sismico na mundo
New Caledonia ta ubica cerca di e Ring of Fire den Pacifico, un area geografico cu ta abarca casi 40 mil km entre west America y oost di Asia, y cu den e ultimo lunanan tabata tin fuerte actividadnan sismico, cu movimentonan telurico superior di 6 den magnitud.
Debi na un nivel halto di convergencia entre e placa tectonico Australiano y e placa di Pacifico, e margen oriental di e placa Australiano ta un di e zonanan cu actividad sismico mas grandi na mundo. Desde 1900, cerca di New Zealand a registra 15 teremoto y incluso mas grandi, entre nan, un di magnitud 7,8 cu , na 1931 a cobra bida di 256 persona.