Serie del Caribe: Venezuela ta derota Mexico bou cantonan di protesta contra Maduro

CIUDAD DE PANAMA, Panama- Cardenales de Lara, entre gritonan di “e gobierno aki ya a cay”, “Guaidó, Guaidó” y “nos kier libertad” dialuna a logra un victoria contundente di 5 careda pa 1 contra di Charros di Jalisco.
E Venezolanonan cu a hunga como si fuera nan tabata na Barquisimeto pa e cantidad di simpatisantenan, a cuminsa cu nan castigo ariba e Mexicanonan den e di cuater inning, ora cu nan a conecta dos hit over di e zapatonan di Alexi Amarista y Rangel Ravalo.
Tabata den e mesun inning aki cu a scucha e canto “Guaidó, Guaidó” pa prome biaha.
E respuesta di e Charronnan a bin den e comienso di e di cinco inning, cu’n careda anota pa Agustín Murillo.

Den e bom di di cinco, Cardenales no a logra anota, pero den e siguiente inning nan a habri e score for di otro, anotando tres careda mas.
Den bom di di seis, Luis Jimenez ta anota un careda ariba doblete di Jumel Querecueto, cu despues ta anota otro careda ariba homerun den leftfield di Carlos Rivero.
Te na e momento nan ey Cardenales, cu relevo di Felipe Paulino, Elvis Araujo, Vicente Campo y Gómez, Pedro Rodríguez, tur ta relevista uza pa e manager Venezolano Arturo Moreno, pa controla e Mexicanonan.

Den e di shete entrada por a scucha gritonan di “e gobierno aki ya a cay” (este gobierno ya cayó) y di “e gobierno lo cay y lo cay, e gobierno aki lo cay” (este gobierno va a caer… y va a caer… este gobierno va a caer”).
E ofensiva di Cardenales tabata lidera pa Juniel Querecueto di 3-2, un careda anota y un empuha y Carlos River di 2-1, cu’n homerun, un careda anota y un empuha.
Pa Mexico a destaca Agustín Murillo cu’n hit den dos turno y un careda anota.
E pitcher ganado a resulta e habrido di Cardenals Nestor Molina, cu a bay cinco inning, permitiendo cuater hit, un careda y a poncha cuater batiado. E derota a bay pa Orlando Lara cu a bay 3 inning, a permiti dos careda, dos hit y duna dos base por bola.

Comments

comments