Cu un bos yena di angustia un señora a pidi ayudo di polis. E tin miedo di Sergio Peña, kende ta para dilanti porta di su cas cu un bat di baseball.
Segun por a compronde, e señora tabata den cas cera hunto cu su yiu y tabatin masha miedo. Siman pasa caba Polisnan a detene na e mesun bario aki na Sero Patrishi pa menasa. Awe ta parce, segun e ta bisa, ta e muhe a bin busca problema na su cas.
E señora di su banda ta bisa cu ta Peña ta esun cu ta busca problema continuamente cu su persona y e no por caba di compronde e motibo. Awe un biaha mas Polis a detene y a hib’e warda di polis. A manda varios unidad na e sitio.
E situacion ta parce cu cada dia ta escala y si autoridadnan no interveni, segun e bisiñanan a bisa, e situacion un dia lo sali di man.