PALM BEACH, Florida – E tenista Mericano, Serena Williams, a bira mama diabierna y a duna luz na un mucha muhe. Su parto, cu a wordo delanta, a tuma luga na e Centro Medico St. Mary’s di Palm Beach, Florida. E ex number un di e ranking WTA a haya su prome yiu cu e empresario Alexis Ohanian, co-fundador di e red social Reddit.
Di acuerdo cu e portal di noticia CBS, e baby di Williams a pisa 3,09 kilo. E y su casa a dicidi cera henter e piso di e centro medico como medida di siguridad.
Awo ta ked’e algun luna di descanso prome cu analisa su fecha di regreso pa e circuito. Serena, di 35 aña, a sgura cu e tin pensa di incorpora mas pronto posibel y a mustra di tabata ehercita incluso durante su embaraso. Su principal obhetivo deportivo ta, pa reaparece den e Australian Open di 2018.
E streya di tennis a anuncia cu e tabata sperando baby na April ultimo, ora cu e tabata tin 20 siman na estado. Ora di a anunci’e, a haya sa cu el a logra obtene su di 23 titulo di Grand Slam den pleno embaraso, ya cu el a lanta e trofeo di e Australia Open di dia 28 di Januari ultimo.
Fuente: www.infobae.com