Keto bay trahadornan di Parke Arikok ta spanta pa e atraco cu nan a pasa den dje. Te cu awe no tin siguridad ni pa e bishtantennan menos pa e trahadonan segun Magaly Brito di Seppa.
Tabata tin un atraco caba na Parke y esey caba for di e momento ey el a crea un situacion di insiguridad. El a bira mas grandi segun Brito. E trahadonan e tempo ey, un seis siman pasa, tin cu corda tur hende riba esaki, ya e tempo ey trahadonan a pone posicion riba diferente asunto cu tin cu wordo regla y tin cosnan cu tey, pero no ta funcionabel.
Sin lubida cu e parti na Shete, Vaderpiet y Parke mes ta funciona riba otro y tin cosnan cu tin cu wordo regla y esey no a sosode. E trahadonan a pone posicion caminda cu tin decisionnan a cay y tin decisionnan cu lo mester a cay tambe pa asina e persona encarga na e momento aki cu parke por ehecuta nan.
Lastimamente e siman aki ainda tabata tin un otro situacion rond di un atraco cu a tuma luga na Aruba y atrobe despues di rumornan cu e supuesto atracadornan lo ta den parke, a bolbe lanta e sentimento eynan di ta insigur, cosnan cu no ta regla y esey a conduci cu SEPPA a reuni cu directiva riba esaki, mustranan con e situacionnan abnormal aki por presenta y con parke riba su mes ta hopi vulnerabel pa cualkier persona cu mal intencion por drenta den dje y causa daño no solamente na trahadonan. Awor aki ta papiando pa trahado, pero no mester lubida e bishitantenan, e turistanan, pasobra e bishitantenan por ta local tambe. Por ta mucha, por ta gruponan di scol, etc. y cu tur e consecuencianan. Esaki den e reunion aki a trece e necesidad urgente pa e telefonnan ta funcionabel. Mester stop di bin cu telefonnan cu trahadonan ta wordo cataloga como telefonnan washi washi cu ora ta yega na un di e puntonan di mas leu ta stop di funciona, no tin cobertura, etc. y e portofoonnan cu no ta traha bon, no tin auto disponibel pa cualkier momento cu algo presenta, por dal cera y bay bek na un luga mas sigur of na e punto central. Esakinan ta cosnan cu a trece na atencion di directiva y mustranan cu e palabracionnan cu tin cu cumpli cune. Tin algun cos a wordo regla y algun cos cu no a wordo regla, manera e camaranan.
Den reunion cu directiva, a bisa cu ta bezig cu sistema di Camara y otro cosnan, pa asina garantisa cpa siguridad di e trahadornan. Pero pa Seppa e cosnan ta canando slow y trahadornan ta sinti na mes insiguir.
Esey e directiva a splica cu e proceso di camaranan, e ofertanan cu tin, nan a evalua y discuti, pasobra por haya diferente oferta riba mesa pero no ta nifica automaticamente cu e ta cuadra cu locual cu abo como organisacion kier pa bo luga y como doño di trabao, locual cu ta desea pa bo trahadornan.
A haya algun splicacion di directiva. E tempo ta coriendo, e trahadonan tin un proposicion riba mesa. Tin decisionnan cu si a cay caba di parti di directiva pa esakinan por wordo ehecuta pa cuminsa naturalmente percura pa e poco poco elimina e sentimento ey di insiguridad bao di e trahadornan. Entre otro tambe tin cu wak unda mas ta necesario pa bin cu telefon. Mas siguridad, cerca cu e compania cu ta atende cu esaki awor aki, pero tambe tene cuenta cu e trahadornan, e caheranan, cu ta traha eybao. E discusion a tuma luga. Trabaonan cu directiva tin cu haci pa sigura cu den corto plazo por tin contestanan concreto y efectivo, segun Brito.