Awe tabata tin un referendum na SABA pa empleadonan entre sindicato ABV cu SEPPA, e resultadonan di esaki tabata 140 pa SEPPA contra 71 pa ABV, dus SEPPA a gana esaki.
E empleadonan ta hopi contento di tin SEPPA como nan sindicato y cu por tuma nan mesun decisionnan bek, pasobra un di e problemanan cu ABV ta cu e sindicato aki tabata tin e tendencia di kier tuma decision pa e trahadonan, presiona trahadonan tambe pa cierto decisionnan.
E trahadornan ta hopi contento cu e resultado aki, pasobra nan no tabata kier ABV mas door cu na ta para ariba cu mester keda entrega beneficionan di e trahadonan, bisa cu e empleadonan no ta ambtenaar pero tin tur e cosnan aki regla den un CAO.
Magaly Brito di SEPPA ta bisa cu for di par di luna caba trahadornan a cuminsa manifesta nan deseonan pa cambio, tambe malcontento con cosnan tabata bayendo. For di luna di december 2020 caba rond discusionnan di entrega di salario, e 12.6% cu gobierno ta impone, tambe tabata tin algun rumor den ki direccion tanto gerencia y sindicato ABV kier a bay, anto tabata tin hopi mal contento over di esakinan. “Nos a pidi den december caba na gerencia di SABA pa wanta tur discusion pa motibo cu na momento aki bo tin un grupo poco dividi, pero na final bo tin cu warda resultado di referendum pa bo por sa cua organisacion sindical nan ta desea pa hiba negociacion pa nan,” segun sra. Brito.