Habriendo e siman aki, trahadonan a mustra Gobierno nan reaccion riba e declaracion cu a sali den prensa cu entrante 1 Januari 2017 ta cera Landfill Parkietenbos (DUMP).
Prome cu esaki, ya rumornan tabata circula riba e tema aki. Pero e declaracion a mustra mas fuerte e direccion cu gobierno kier tuma pa cu Dump.
Intentonan di SEPPA pa haya reunion for di Gobierno tampoco a duna resultado, pues dialuna mainta trahadonan a aparece dilanti Bestuurskantoor pa esaki. Mas cu claro cu pa trahadonan esaki tabata “AWE SI”.
Gobierno ta bisa di ta “solamente baha actividad na Dump” y esaki ta pasa pa esun cu awe ainda ta bo Competencia den negoshi !!
E intencion cu Gobierno pa Sanea Dump, e presion cu tin pa esaki, ta algo tur hende ta wak. Pero con ta haci esaki y unda trahadonan ta para ta contestanan cu mester wordo duna na trahadornan.
Gobierno a informa SEPPA cu e intencion ta pa den Januari baha e cantidad di actividadnan riba Parkietenbos. Esaki ta contrario na loke a sali den prensa, esta cu pa 1 Januari 2017 ta cera Dump, lagando pueblo mes cu e pregunta kico ta haci cu e sushinan di tur dia y e trahadonan mes kico ta para cu ‘NOS’ trabao y ‘NOS’ pan di cada dia !.
Esaki ta e fase pa prepara pueblo???
Segun gobierno den e proceso di saneamente Trahadornan di Dump mes lo sigui cu hopi trabao cu ta relaciona cu esaki, Gobierno ta bin cu luga nobo pa warda e sushinan y cu tambe ta bay over na cera e buraconan. Pues e trabaonan lo wordo haci pa trahadonan di Dump mes bao supervision di trahadonan di Serlimar.
Ta pa motibo cu nan ta bezig ta sanea e dump, ta pa e motibo ey lo a scoge pa e sushi wordo hiba na otro, cual akinan tambe ta lanta e pregunta, e pakico lo bo hiba bo servicio netamente na esun cu awe ainda ta bo competencia den negoshi!!
Pa cuanto tempo no ta mucho cla tampoco, paso asina por cuminsa kita trabao di un compania di pueblo manera Serlimar SG, ta laga pueblo custumbra cu e idea y mañan kita esaki definitivamente!!!!!
Inversionista ta hinca placa pa un rato so !!!
Ningun comerciante ta bay haci inversionnan grandi y nos ta papiando di miyones djis pa un rato, djis pa juda….. Al contrario!! E kier su placa bek, mas ganashi y mas largo e keda gana miho. Pues, e comerciante/compania/inversionista con cu kier yame su unico meta ta pa traha placa, haci ganashi. A lo menos saca su Return of Investment… y sigur no un acuerdo di 1 aña ni 2, pero sigur e lo desea acuerdonan pa largo. Esaki ta basico den mundo di negoshi!!!!!
Y negoshi ta keda negoshi, nada ta cambia akinan.
Pues, e ta bon cla pa SEPPA y trahadornan di Serlimar cu algo tin. Nos tin informacion cu negociacionnan ta andando.
Gobierno ta garantisa trabao y entrada na trahadornan di Serlimar
Aunke en principio e problema di Dump por mustra cu e ta afecta trahadonan na DUMP solamente, nos mester compronde cu den caso cu ta kita of bende Dump for di Serlimar na otro compania, cu esaki tin consecuencia pa Serlimar completo.
Den e situacion cu nos ta na e momentonan aki, gobierno ta garantisa trabao/entrada y tur condicionnan laboral.
Nos ta spera cu Gobierno ta comprende si, cu ora nos ta papia di trabao nos ta referi na e trabaonan normal na Dump y ora nos ta papia di entrada, nos ta referi cu ningun trahador no ta bay atras den nan entrada di luna. Y pa loke ta trata nan condicion laboral, cu trahadonan ta sigui cana den nan carera normal, sin bin cu storianan bruha, manera cu na Serlimar mes a yega di purba di bin cune.
Pa awo SEPPA ta wanta gobierno na su posicion, esta cu niun compania ni persona no ta bay cumpra Serlimar, tampoco ta bay tuma trahadornan di Serlimar over, Dump ta keda di Serlimar !!
SEPPA ta lamenta cu te awo ta sinta pa atende cu SEPPA pa atende e asunto aki. Ta bon cla cu mester a forsa un reunion, forsa Gobierno pa duna cuenta na trahadonan y trece claridad riba nan Pan di tur dia pero tambe na nos cu ta forma parti di comunidad riba supuesto negosacionnan cu ta tumando luga riba loke pa nos ta “Patrimonio di Pueblo”.
Pa e falta di servicio SEPPA ta pidi disculpa den nomber di trahadonan, pero a keda demostra con esencial e servicio di recogemento y atende cu sushi ta pa un comunidad!! Pesey nos mester defende e servicio publico aki, cu esaki mester keda den man di pueblo, mester keda uno pagabel pa un y tur si mañan nos kier papia di un Aruba limpi.