BUENOS AIRES, Argentina- Kosaka Kumiko, un seour Catolico di origen Japones, a wordo acusa door di Ministerio Publico pa su supuesto participacion den casonan di abuso sexual di menornan di edad den un instituto pa Sordomudo den e provincia di Mendoza.
Despues di tabata fugitivo pa un luna largo, e seour a entrega su mes tres dia pasa na Buenos Aires y a keda deteni. E seour a wordo traslada pa Mendoza unda cu diahuebs el a presenta dilanti un fiscal cu a comunica na dje tocante e acusacion.
“No tabata tin pregunta di parti di Ministerio Publico ni di parti di e demandante. E seour a duna su version. E ta nenga e acusacion y a bisa cu e t’ey pa sirbi, haci bon y cuida muchanan”, segun fuentenan riba e presencia di e seour dilanti mesa berde, cu despues di esaki a wordo hiba di biaha pa prizon.
E muhe Japones ta meti den e file caminda cu ya tin 5 otro persona deteni, entrenan dos pastoor, acusa di varios caso di abuso sexual na menornan di entre 10 pa 12 aña di e Instituto Antonio Próvolo pa muchanan sordomudo, situa na e localidad di Lujan de Cuyo. Den e escandalo ta meti tambe dos pastoor di 80 aña. E caso a bin dilanti despues cu’n adolescente a denuncia e hecho y cu seña a describi e seour Japones, cu aunke no tabata meti directamente den e abusonan, pero si e tabata na altura di esaki y a sconde.
Fuente: NTN24