E presidente Mericano, Barack Obama a reduci e sentencia di prizon di Chelse Manning na 7 aña, pa cual e lo recobra su libertad dia 17 di Mei. Manning tabata fuente di WikiLeaks. Esaki segun informenan di White House.
E militar transexual, kende su nomber oficial tabata Bradley Manning, a wordo condena na 35 di prizon, na Augustus 2013. E tabata wordo acusa di a transmiti mas di 70 mil documento confidencial na WikiLeaks.
Manning, kende a wordo elogia pa su simpatizantenanan, pa a revela e abusonan cu tabata wordo cometi door di Merca, tanto na Irak como Afghanistan.
Manning a wordo acusa di a pone su pais y su compatriotanan na peliger. E muhe soldaat, di 28 aña a haci un intento di suicidio na October, despues di a faya e prome biaha na Juli.
Siman pasa, WikiLeaks a afirma cu su fundado, Julian Assange lo acepta di wordo extradita pa Merca, si Barack Obama mustra clemencia pa Chelsea Manning.
Assange ta refugia den e Embahada di Ecuador na London, for di Juni 2012 pa evita un extradicion pa Suecia, unda e ta wordo acusa di agresion sexual, cual e ta nenga.