Pa algun dia caba nos a capta cu e polis di bario Oranjestad ta controlando e area unda e taxi piratanan ta move y ta gara tur dia algun y ta parti multa y hasta kita auto bou ordo di fiscal di cual esaki ta un bon paso cu fiscal a tuma pa apoya pa para e ilegalidad di taxi pirata aki. Pero e lastima ta keda cu warda di polisnan ta yen di auto y hasta Balashi.
Diabierna merdia e polis di bario riba caminda di Ponton a capta un hyundai i10 blauw a lanta un cabayero y na stuur ta un señora. Manera e chauffeur a wak e polis ta su tras el a subi velocidad y cuminsa pasa auto pa loco. No a keda nada otro cu e oficial a cende zwaailight y sirena pa bay pare. E oficial a solicita resfuerso pa para e auto debi cu e tabata core manera loco, Ponton, pa Kamerlinght Onnestraat despues La Sallestraat pa bay Madiki.
Den area di Madiki e oficial na cas cu un ocasion a mira e pasahero masculino tabata purba di saca su pia afo y na ultimo el a habri e porta di auto y tira su curpa for di e auto cay riba caminda. Esaki a pone cu e oficial a para di biaha gara e homber pone den e auto y sigui tras di e taxi pirata pero a perde for di bista un rato.
Pero den caya a topa cu e auto y un testigo a mira unda e señor a bay y a notifica polis, patras di warda di Playa bieu a topa cu e señora y a keda deteni. Ora a constata e motibo pakico el a huy pa Polis pasobra e ta ilegal na Aruba y e no kier bay su pais mas cu ta Venezuela debi cu e situacion ta malo pa biba. No a keda nada otro di transporta e señora despues pa guarda nos costa. E auto a keda tuma den beslag.
Un palabra di tur e oficialnan cu a duna un man y asina logra haya e auto staciona scondi den playa te bay over na detencion, asina ta combati ilegalidadnan cu hende ta haci riba nos isla.