Willemstad Curacao: Djamars 7 di ougùstùs 2018 alrededor di 13.21 or di merdia, Sentral di Polis a dirigí un unidat polisial na un kas den Corcobastraat pa un dama drumi abou den kas i ku no tabata duna señal di bida. For di un investigashon preliminar ku polis a hasi na e sitio, a resultá ku un bisiña di e dama ariba menshoná a sinti su falta i a bai wak e dama na su kas. Via di un bentana a tuma nota ku e dama tabata drumi abou den un plas di sanger i no tabata reakshoná.
E dama tabatin diferente kòrtá i hinká na vários parti di su kurpa, ku ta indikashon, ku tabatin uso di violensia den e kaso aki.
Alrededor di 14.30 or dòkter di polis a konstatá morto di e dama Zacarias Guzman, nasé na Sto. Domingo, 10 yüli 1954.
Riba òrdu di Ministerio Públiko a konfiská e kurpa sin bida pa mas investigashon. Departamento di Reshèrshi ta kontinuá ku e investigashon.
Cortesia: Direct Media
https://www.facebook.com/directmediacuracao/videos/10155777495012993/