Diasabra den careda di 3:18 marduga un señora grandi a keda sorprendi den su cas pa dos homber full na preto bisti cu un arma di candela den nan man y nan cara no tabata tapa. Polis ta yega di biaha na e sitio y e señora ta declara cu e dos hombernan desconoci a drenta su cas y atrake. Un di nan lo a dal e señora cu e arma di candela na su cabes cu consecuencia e señora a haya dolor di cabes fuerte debi na e sla. E atracadornan a bay cu por lo menos 300 florin y un celular cu e tabata tin. Nan a huy na pia y tur dos tabata papia papiamento. Atraco team tambe a presenta na e sitio pa haci nan investigacion y personal di slachtofferhulp tambe a yega pa asina mira e situacion cu e señora a pasa aden.