Diahuebs den careda di 11:45 anochi den Schotlandstraat un señora tras di stuur di un nissan tiida a bay dal den un ford fiesta y a sigui bay. E chauffeur di e ford fiesta a dicidi di sigui bay tras di e auto asina a drenta e caminda di santo yegando pizza hut e dama kier a huy pero a dal e auto den baranca y pega riba un sero di santo.
E señora tras di stuur ta un persona di edad, e la tapa su cara cu serbete. Polis a presenta na e sitio debi cu roadservice tabata prome na e sitio pa tuma dato y ora a constata cu e dama ta bebi a informa autoridad. E señora tabatin e porta cera y no tabata kier a atende cu polis pero despues di algun intento el a habri e porta y halsa un rato cu e oficialnan. Ora cu e oficialnan a constata cu e señora di edad ta burachi a detene y a keda transporta pa warda.