Riba e caminda di Savaneta zeerover bay abou diahuebs atardi ta sosode un accidente fuerte unda un señora di edad den un hyundai accent a subi caminda na un t-weg debi a mira cu trafico ta bashi y ta topa cu un brommer bahando for di pariba basta duro, y aki e brommer a dal den banda robes di e auto y e homber a bula cay riba caminda. E homber no tabata por a move tabata keha di dolornan fuerte na su heup, e ta un marinier, y aki su coleganan tambe a presenta na e sitio. Dos unidad di ambulance a presenta pa atende cu e heridonan, tanto e motociclista y e señora di edad spanta di e sucedido. Polis di trafico a haci nan investigacion.