Durante e conferencia di prensa di Gobierno tanto Prome Minister di Aruba Sra Evelyn Wever Croes y Minister encarga cu Salubridad, Turismo y Deporte Sr Dangui Oduber a manda palabra di profundo condolencia na famia di e señora di 79 aña cu a fayece na hospital relaciona cu Corona Virus. E persona no tabata hospitalisa den cuido intensivo y tabata tin otro complicacion medico y tabata tin 15 dia den hospital. Ta un momentonan dificil cu nos pais ta pasando aden, nos kier a supera e momentonan dificil aki sin cu un persona a fayece pero esaki tabata dificil asina mandatario Oduber a menciona.
Pero noticia positivo cu por comparti cu comunidad cu Hulanda a duna cooperacion pa amplica nos ICU y tambe ventilacion y a amplia e capacidad di personal tambe. Tambe a pidi capacidad extra di 35 persona di afo pa yuda denn momento di crisis y Hulanda lo cubri esaki unda lo bin yuda 90 dia y tur personal cu ta trahando den e prome linea dia aden na Hospital, y tambe banda di e asistencia lo train e personal y nos personal den hospital por haya un descanso tambe despues di tabata trahando dia y anochi brindando asistencia medico.