Diaranson den oranan di anochi Cuerpo Policial di Aruba ta informa di un señora di 67 aña yama Casas Maria cu a keda perdi. E señora den oranan di atardi a bay eerste hulp pa haya atencion medico. El a laga su documentonan dilanti na balie y pa ora cu personal di eerste hulp a bay na balie pa atende cune e señora no tabata den e edificio y a buske tur caminda sin ningun resultado, pero si su documentonan a keda atras. Asina a bati alarma pa un buskeda debi cu e ta sufri di un enfermedad y hasta alzheimer. Pero pa 9 or anochi strandpolitie ta presenta na pompstation Sasaki y a localisa e señora, y a hiba sra Maria pa su cas pa e ta cerca su famia sano y salvo.