Dialuna anochi un patruya riba quad-racer encarga cu e area di hotel ta wak con un persona den un auto cora A-wagen ta ofrece turista servicio di taxi. E turistanan a subi auto y mesora e polis nan a para e auto.A bay na controla si e señora tin su papelnan na ordo y si e tin permiso pa hasi trabou di taxi. E señora a bisa e polisnan cu ta su primo y prima nan ta. Polis a puntra e turistanan cu tawata hopi spanta y di biaha nan a bisa cu ta turista nan ta y cu e señora a bisa nan cu ta taxi e ta pesei nan a subi.
Ora cu e señora a ripara cu e no por gaña nada mas e la cuminsa bira fresco cu e oficialnan y bisa nan cu nan no tin nada di puntre. E señora no tin permiso pa hasi trabou di taxi y pa colmo e auto no tin ningun documento na ordo y e señora no tin rijbewijs. Polis a detene e señora pa mas investigashon y tambe mal comportacion. Polis a tuma e auto den beslag. Un otro patruya a presenta y hiba e turistanan nan hotel.