Riba un 22 November pasa di 11’or di anochi a keda registra un caso na San Nicolas caminda un famia lo a bebe juice y a bira malo. Segun e famia e juice lo tabata venena cu un pildo di djaka cu a keda haya aden. Na Imsan dokternan a atende cu tanto un señora di edad halto y un homber di edad jong cu ta esnan cu a bebe e juice na e cas.
Manera cu autoridad a keda informa a start un investigacion, mientras cu e dos victima a keda transporta pa hospital. 23 November 2016 pasa di 12’or marduga recherche di San Nicolas a presenta na e supermarket KINPPo na Cura Cabay unda e famia a indica cu ta eynan nan a cumpra e orange Juice. E chines a coopera cu autoridad pa draai e video.
A mira con un hende homber di e mes un famia cu ta esun cu a bira malo a cumpra e orange juice y un sakito cu ta contene e veneno di djaka. Rond di e cas na San Nicolas a haya e sakito di e veneno y pafo algun pildo benta abou.
Siguiente dia cu e caso a pasa e señora a keda manda afo cu urgencia den Air Ambulance debi cu su sistemanan a collapse y a bira basta malo. E caso ta bou investigacion y e juice a keda manda Hulanda algun dia despues.
E señora a bin bek Aruba y tabata bou observacion di dokternan y riba 12 Januari 2017 den oranan di atardi e señora di edad a fayece na Hospital. Mientras cu te ainda no tin ningun persona deteni pero recherchenan ta investigando e caso.
Paz na su restonan