Dialuna den careda di 10’or di mainta polis a keda dirigi pa bay dilanti di Pius X School na Dakota debi cu tin un señora sinta abou den un forma straño cu posibelmente lo a bira malo. Patruya di Oranjestad a acudi na e sitio y topa cu e señora y un hende homber banda di dje cu ta esun cu a bati alarma ora a mira e señora. E señora di edad tabata sintie malo y tabatin mester di yudansa. E oficialnan a opta pa solicita ambulance pa un paramedico controla e señora. Central di polis cu a informa centro di alarma 911 di e caso posibelmente a wanta e informe debi cu a dura 30 minuut pa un ambulance presenta.
Algun yamada a keda haci na e sitio unda a informa e hefe di ambulance kico ta pasando cu ambulance ta durando pa e asistencia y segun informacion clave for di ambulance tabatin 1 pa 2 ambulance ocupa pero tin un di tres ambulance y e rapid responder OVD cu si tabata disponibel, pero ningun a keda dirigi pa Centro di Alarma bay duna un yudansa na e señora ta despues di algun yamada di recordatorio na 911 a core manda e OVD cu tabata na post Wayaca.