Riba e caminda di Tanki Flip pa Shaba diasabra anochi ta keda registra un accidente cu impacto fuerte unda un hende muhe tras di stuur di un hyundai creta biniendo di nort a bay den banda contrario y a dal semi frontal basta duro contra di un honda crv.
Den e hyundai creta un hende homber sinta na banda a keda herida, y den e honda crv tabatin mucha cu tambe a haya golpi na curpa. Polis di trafico y polis di noord a presenta di biaha ne sitio. E caminda banda pazuid a keda cera debi cu ambos auto tabata memei caminda.
Dos unidad di ambulance a presenta pa atende cu e personanan herida y a keda transporta pa hospital pa atencion medico avansa. Takelwagen di seguro a lanta ambos vehiculo foi caminda.
