Señora a dal mucha cu auto intencionalmente na Urataca

Diahuebs atardi riba e caminda di santo na Urataca un mucha tabata core riba su bais y e tabata acompaña cu un hende grandi banda di caminda. Auto tabata bin y e persona mayor a bisa e mucha pa hala banda di caminda y a haci esaki, pero e chauffeur di e suzuki ignis a tira e auto den nan direccion y esaki a dal contra e hoben. E mucha homber a bula pa scapa di no keda trapa pa e auto y cay riba caminda herida su curpa. El a core bay cas pidi ayudo di su mayor unda aki polisnan a keda mobilisa. E persona mayor di edad a indica polis unda e auto a bay y aki polis a atende cu e chauffeur cu ta un señora pashent di paaz y e famia pa hopi tempo tabata busca ayudo pa cu e señora. Polis a detene bay cune debi cu e caso ta intencionalmente a tira auto riba e hobencito. Mayornan a bay warda pa keda scucha cerca recherche. Departamento forensico di polis a presenta na e sitio pa saca potret di e evidencia.

Comments

comments