AMSTERDAM, Hulanda – Cientificonan ta haciendo un investigacion riba un señal remarcabel cu ta bin for di un strea 95 aña luz for di tera. E ta mustra di e existencia di civilisacionnan extraterestre cu ta hopi mas avansa cu esun di nos.
E señal a wordo sinti aña pasa na Mei na Rusia, pero e noticia apenas awo a wordo haci publico door di e periodista di espacio Paul Gilster. E datonan riba e señal a wordo comparti den secreto aña pasa entre cientificonan.
Rond di e strea, cu parce hopi na nos solo, ta draai en todo caso, un planeta, mesun grandi cu Neptuno. Por tin ainda mas planeta sin descubri.
Segun astronomonan no falta hopi si e señal a wordo manda pa extraterestrenan.
Posiblemente ta bay pa un caracteristica di naturalesa of un “señal fantasma.” E por mustra interesante suficiente pa sigui haci investigacionnan door di SETI (Search for Extraterrestrial Intelligence), un organisacion internacional conecta na cientificonan cu ta busca “aliens”.
Fuente: De Telegraaf