PHOENIX, Arizona – E senador republicano Mericano, John McCain a wordo diagnostica cu un tumor celebral despues cu nan a practica un cirugia pa saca un pida plug di sanger riba di su wowo robes, un hospital di Phoenix a informa diaranson den un comunicado.
“E Senador y su famia ta revisando otro opcionnan di tratamento cu su ekipo di atencion di Mayo Clinic. E opcionnan di tratamento por inclui un combinacion di kimoterapia y radiacion,” e texto ta bisa.
E informacion aki tambe a wordo confirma pa e oficina di e senador di Arizona, cu tambe a agrega cu, di acuerdo cu e analisisnan realisa despues di e procedimento, a revela un tumor celebral primario conoci como glioblastoma asocia cu e plug.
E ex candidato presidencial y seis biaha senador di decada di 80, tabata recuperando na su cas desde cu el a somete na e procedimento kirurgico na su wowo.
No obstante, dokternan di McCain a bisa cu e senador ta recuperando di e cirugia “sorprendentemente bon” y cu su salud ta excelente.
E lider di e mayoria den e Senado, Mitch McConnell, a declara tras di conoce e estado di salud di McCain y a bisa den un comunicado: “nos tur ta spera di mira e heroe Mericano aki di nobo.”
E noticia ta conoci na momentonan crucial ora cu e republicanonan ta purba di acorda e futuro di e proyecto di ley di slaud cu ta busca pa reemplasa “Obamacare.”
McCain, ta senador republicano pa e estado di Arizona y ex candidato presidencial. Na Maart di e aña aki el a yama presidente Donald Trump pa pidi’e condena e presunto “interferencianan” di Rusia den e eleccionnan presidencial.
“Nos no tin prueba cu e interferencianan Ruso aki a cambia e resultado di e eleccionnan(…) pero nos tin amplio evidencianan convincente cu nan a purba y ta algo hopi serio,” McCain a bisa na e momento ey.
Fuente: www.ntn24.com