WASHINGTON D.C., Merca – E senado Mericano a aproba nombracion dialuna Steven Mnuchin como minister di finansas.
E ex bankero di Goldman Sachs a haya sosten di 53 senador. 47 senador a vota den contra. E senador di West Virginia tabata e unico Democrata cu a vota pa e nombracion.
Mnuchin a wordo huramenta despues den Cas Blanco. Trump a yama Mnuchin eynan como “un gran campeon” pa e ciudadanonan Mericano.
E minister nobo mester primordialmente bay dirigi su mes riba reformacion fiscal, regulacion financiero y esfuersonan economico diplomatico. Tambe el a ricibi opdracht di Trump pa revisa e asina yama Dodd-Frank Act for di 2010. E presidente Mericano a firma pesey na comienso di e luna aki un decreto. Esey tabata e prome paso di Trump pa desmantela reglanan mas estricto pa banconan.
Hollywood
Mnuchin tabata e persona principal financiero durante e campaña di Trump. E inversionista di 53 aña a cuminsa su carera na Goldman Sachs, caminda cu el a traha pa 17 aña. Tambe despues el a bira un socio na e banco.
Despues cu Mnuchin a laga e banco na 2002, el a forma su nomber como financiado di diverso pelicula di Hollywood. E tabata fundador na 2004 di Dune Capital, caminda cu entre otro el a produci e serienan di pelicula X-men y e pelicula Avatar.
Fuente: Nu.nl