WASHINGTON, D.C, Merca- Senado Mericano dialuna a logra e aprobacion di un extension presupuestario cu 81 voto na fabor y 18 contra, pa caba cu e cierre temporal di gobierno.
E acuerdo ta pa solamente e siguiente tres simannan y Congreso lo mester tuma un decision prome cu e presidente por habri bek. E lider di e minoria Democrata den Senado, Chuck Schumer, dialuna a sigura cu su partido a acorda cu e mayoria Republicano un ley di financiamento provisional pa pone un fin na e cierre temporal di gobierno Mericano, cu ya ta den su di tres dia.
E Senador a agrega cu “nos lo vota awe pa habri gobierno bek y sigui negocia un acuerdo global” riba e destino di cientos di miles di inmigrantenan ilegal na Merca cu yega e pais aki ora nan tabata mucha, conoci tambe como “Dreamers”.
Partido Democraat a nenga di vota pa e extension temporal sin garantia riba e destino di cientos di miles di ‘Dreamers’ cu ta core riesgo di deportacion.
E cierre di gobierno Mericano a cuminsa diasabra y a provoca cu cientos di miles di empleadonan a haya nan forsa pa keda cas, segun e agencia di noticia AFP.