WASHINGTON, D.C., Merca- E resolucion lo obliga e gobierno di Trump pa stop e yudansa logistico y di tur otro tipo cu e ta brinda na e coalicion lidera pa Arabia Saudita.
Cu e oposicion di State Department y Pentagono, Senado di Merca diaranson a voa na fabor di promove un resolucion cu lo pone un fin na e apoyo militar di Merca na e coalicion lidera pa Arabia Saudita den e guerra civil di Yemen. Esaki lo ta un derota grandi pa gobierno di Trump.
Cu 63 voto na fabor y 37 contra, Senado controla pa partido Republicano, a dicidi na cuminsa un debate riba e proposicion presenta pa e senador Bernie Sanders. White House ya caba a menasa di veta e aprobacion final di e proyecto di ley.