WASHINGTON D.C., Merca – Senado di merca a confirma diamars na ultimo momento na e multimiyonario Betsy DeVos como futuro secretaria di Educacion di e Gobierno di Donald Trump, aunke pa esey e tabata tin mester di e apoyo di e vicepresidente di e pais, Mike Pence, pa deshaci di e empate na 50 voto, cu a keda cosecha entre e senadornan.
Ta trata di e prome biaha den historia cu un vicepresidente di Merca, kende ta presidente di e Senado pa mandato constitucional, tin cu emiti e voto di desempate pa un puesto di e Gabinete presidencial den e Camara alta.
Dos senador Republicano a vota contra di DeVos, ademas di e 48 senadornan Democrata, kendenan a tene shift durante 24 ora previo na e votacion pa duna un marathon di discurso contra e nombramento di DeVos desde e pleno di Senado, den un ultimo intento pa evita cu e multimiyonario yega na e cargo.
Asina, apesar di e esfuersonan Democrata, e votacion a keda resolvi di 51 voto na fabor, contando cu esun di Pence y 50 den contra.
E ultimiyonario, kende tabata donante Republicano durante hopi aña, a enfrenta audiencianan duro dilanti e democratanan di e Senado, kendenan a cuestiona su compromiso cu educacion publico y a bula riba su conflictonan di interes.
E mayoria di e Partido Republicano a defende Devos como un reformado audas dispuesto pa reduci e influencia di e Gobierno federal den educacion y eleva e calidad educativo den e interes di amplia e oportunidadnan pa muchanan desfaboreci.
Pero e democratanan a opone frontalmente cun’e, argumentando cu e no tin experiencia ni e ta cualifica pa e trabao.
Tambe, nan ta preocupa su postura pa socava educacion publico, caminda cu mayoria di e muchanan di e pais ta forma parti y su falta di solides den responde e preguntanan cu nan a haci’e riba e posibel conflictonan di interes relaciona cu su inversionnan.
Tanto democrata como republicanonan a ricibi miles di yamada di nan votantenan pidiendo pa nan opone na e nominacion di DeVos, aunke finalmente tabata infructuoso.
Fuente: NTN24