BRASILIA, Brasil – Senado a vota na fabor di distitui a suspende e presidente di Brasil, Dilma Rousseff diaranson.
Rousseff a enfrenta un huicio politico pa decretonan cu a altera e presupuesto di e nacion.
E ta wordo acusa di modifica ilegalmente cuentanan prome cu su reelaccion na 2014 pa sconde un deficit den e presupuesto y pa sigui financia programanan social popular.
“Mi no a comete ningun di e delitonan cu mi ta wordo acusa di dje,” Rousseff a bisa. “Mi sa cu mi lo wordo husga, pero mi consenshi ta trankil. Mi no tin nada di sconde.”
E acusacion mester wordo ratifica pa 54 voto of dos tercio di mayoria di 81 senador. Senado a vota 61 voto riba 20.
Rousseff a wordo reeligi na 2014 cu mas di 54 miyon di voto y a impone dilanti Aecio Never 51.59% contra 48.41.
Cu e destitucion aki, e partido di trahadonan (PT) ta laga poder despues di 13 aña. Rousseff lo wordo distitui definitivamente y Michel Temer, kende ta ocupa e presidencia interino desde cu e mandatario a wordo temporalmente aparta di su funcionnan, lo reemplasa te cu e eleccionnan generla di 2018.
E mandatario suspendi a cualifica henter e proceso como un golpi di Estado tecnico dirigi pa politiconan implica den un investigacion masivo riba e corupcion.
E huicio politico contra Rousseff a wordo alarga pa lunanan. E mandatario a wordo suspendi na Mei. Rousseff di 68 aña, e prome presidente muhe di Brasil y exguerillero, a insisti den su declaracion diamars cu no a comete ningun crimen cu tabata orguyoso di tabata “fiel na su compromiso cu e nacion.”
Ya tin un precedente di huicio politico na Brasil. Na 1992 Fernando Collor de Melo, presidente e tempo ey, a enfrenta acusacionnan di corupcion. Aunke el a renuncia prome cu e votacion, igualmente a wordo husga, condena y inhabilita.
Fuente: CNN en Español
- Latest
