ALABAMA, Merca – E ley nobo lo haci abortus un delito grave cu sentencia maximo di 99 aña di prizon pa dokternan cu ta practica esaki, mientras cu e intento di aborto lo tin un condena di 10 aña di prizon.
Senado di Alabama a vota y aproba un ley cu ta prohibi abortus in excepcion pa embarasonan causa door di violacion of incest, segun informacion di NBC News.
Na comienso di mei e ley a wordo aproba pa e Camara di Representantenan y diamars parlamentarionan estatal a aproba pa 25 voto na fabor y 6 contra. Si e proyecto wordo firma pa e gobernador di Alabama, Kay Ivey, abortus lo ta prohibi den tur caso, solamente si e embaraso ta pone e salud di e muhe na peliger.
E ley nobo lo haci abortus un delito grave, cu tin como consecuencia 99 aña di prizon, pa dokternan cu comete esaki, mientras cu e intento di abortus lo wordo castiga cu te cu 10 aña di prison. Di otro banda, Ivey no a comenta na prensa si e lo firma e ley aki, cu lo por bira e ley riba abortus mas streng di Merca. .